gitc

Գյումրիի
Տեղեկատվական
Տեխնոլոգիաների Կենտրոն

Հայտնի երաժիշտ Շահան Արծրունու այցը քաղաք Գյումրի

Հայտնի երաժիշտ Շահան Արծրունու այցը քաղաք Գյումրի

Երեք օր շարունակ Գյումրիում էր ամերիկահայ մեծ երաժիշտ, հայտնի բարերար Շահան Արծրունին: Հանճարեղ երաժշտի ներկայությունը նոր գույն տվեց Գյումրիին: Շրջելով վարպետաց քաղաքում, մաեստրոն ավարտեց այցը Գյումրի «Մտորումներ ստեղնաշարի վրա» խորագիրը կրող համերգով, որը տեղի ունեցավ «Հայորդաց տանը»: Դաշնակահար-կոմպոզիտոր Շահան Արծրունու հոգեպարար երաժշտության ամեն մի հնչյունը լցրել էր դահլիճը մի անզուգական զգացումով` ստեղծելով հիանալի մթնոլորտ: Հանճարեղ երաժշտի շնորհիվ գյումրեցի արվեստասերը հաղորդակից դարձավ հայ և համաշխարհային դասականների գործերին: Արվեստների և արհեստների կենտրոն, մշակութային մայրաքաղաք Գյումրին ապրեց մեծ կոմպոզիտորի հոգեցունց երաժշտությամբ, ամեն մի ստեղնից հորդացող մտորումը նոր կյանք և շունչ պարգևեց։